Fundashon Stimami Sterilisami 

Cuminsando Januari 2023, Fundashon Stimami Sterilisami ta invita henter publico pa registra boso mascota na un di e tres clinicanan participando den nos campaña nacional, cual ta VSH Veterinary Specialty Hospital na Ponton, Veterinaire Klinieken Aruba na Wayaca of Noord| , of Animal Health Veterinary Hospital Aruba na Eagle, pa asina probecha di nos subsidio y prijsnan special riba e costo di sterilisacion di cacho y pushi.

Programa di Sterilisacion

Pa añanan largo Aruba tin problema di cantidad grandi di cacho- y pushinan cu ta biba riba caya sin hogar adecua. Hopi di e pushi y cachonan aki ta bandona y wordo mata diariamente of ta sufri di malesa y hamber riba caya. E unico solucion pa e problema aki ta reduci e cantidad di cacho y pushi y enfoca riba e responsabilidad di cada doño riba mantencion y cuido di cacho y pushi.

Stimami Sterilisami ta un non-profit organization cu ta uza 100% di tur donacion pa ofrece un subsidio pa e procedura di sterilisacion pa tanto publico en general, como tambe organisacionnan di boluntario cu ta cuida bestianan di cas of riba caya. 

“Stimami, Sterilisami”!

Gasto di Sterilisacion

E prijsnan nobo di sterilisacion pa cacho y pushi cu ta pisa menos di 25 kilo ta lo siguiente:

E prijs ta inclui antibiotica, anti-inflamatorio y anestesia.

Pa cacho nan mas di 25 kilo, AFL 50 adicional lo mester wordo paga door di e doño di e mascota riba e prijs total. Si e cacho of pushi ta loops of na estado, e clinica por cobra un costo adicional door di cu e procedura ta bira mas complica y tin mas riesgo.

E pushi of cacho mester ta sufficiente bieuw pa wordo opera y mester ta di bon salud. 

Pa ricibi e subsidio riba e prijs special pa e operashon tur fundashon of doño particular di cacho of pushi por registra via e link abou di e website di Stimami Sterilisami. Un registrashon pa cacho of pushi pa formulario.

Con e programa ta traha

1) Fundacion of Doño di e mascota tin cu registra online

a) Pa ricibi e subsidio riba e prijs special pa e operashon tur fundacion of doño particular di cacho of pushi mester registra online. Solamente registracion online ta valido. 

b) Bo lo ricibi un number di registracion via bo email. Sin un email valido, no por completa e registracion. 

c) Dentro di 7 dia di registracion tin cu bai na un di e tres clinicanan, cual ta VSH Veterinary Specialty Hospital na Ponton, Veterinaire Klinieken Aruba na Wayaca, of Animal Health Veterinary Hospital Aruba na Eagle, pa hasi un cita y paga pa e operacion di e cacho of pushi.

2) Eynan bo lo mester completa lo siguiente:

a) Duna e veterinario e number di registrashon cual bo a ricibi via email.
b) Paga e co-pay (bo parti) di e operacion (Stimami Sterilisami lo cubri e otro parti).
c) Ricibi un cita pa e operacion.
d) Ricibi e prueba di pago di bo parti di e operashon.

Pakico Sterilisacion

Sterilisacion di bo mascota, sea pushi of cacho ta necesario pa evita crecimiento di e populacion di pushi y cacho di caya. Di e manera aki comunidad ta stop sufrimiento di pushi y cacho di muri di hamber, malesa of wordo mata den e ‘afmaakhok’ (kill cage).